.png)
Një i afërm i kryetares së Kolegjit të Posaçëm të Apelimit, shkalla e fundit e organeve të vettingut është ekzekutuar me armë zjarri në Bjeshkën e Dobërdolit, në Tropojë.
Tahir Bajraktari, 69-vjeç u vra ditën e martë, më 18 shtator në fshatin Kasaj të Tropojës.
Ai është daja e Natasha Mulajt, që mban postin e kryetares së Kolegjit të Apelimit, trupa e të cilit shqyrton ankimimet e gjyqtarëve, prokurorëve dhe të Komisionerit Publik për pakënaqësitë ndaj vendimeve të Komisionit të Pavarur të Kualifikimit.
Por, ngjarja, sipas policisë së Kukësit nuk ka lidhje me detyrën e Natasha Mulajt. Drejtoria e Policisë së këtij qarku njofton se vrasja është kryer për motive të dobëta dhe se e ka identifikuar autorin.
Sipas policisë, ngjarja ka ndodhur mesditën e së martës dhe autori i dyshuar është shtetasi 54-vjeçar me inicialet N.L., banues në Tiranë, për kapjen e të cilit po punohet ende.
Edhe i ndjeri Tahir Bajraktari jetonte në Tiranë, por shkonte në Bjeshkën e Dobërdolit çdo verë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
