.png)
Policia e Shtetit ka shpallur në kërkim katër persona të dyshuar si ekzekutorë, ose persona në dijeni të ekzekutimit mafioz të Santiago Malkos në ngjarjen e rëndë të ndodhur më 27 gusht në Tiranë.
Uniformat blu janë vënë në kërkim të shtetasve me incialet E.D., I.S., E.G., dhe O.L., emrat e të cilëve kanë dalë pas dëshmisë së shtetasit Blendi Teta. Ky i fundit u mor në pyetje pasi ishte filmuar nga kamerat në rrugën Xhanfize Keko, aty ku u ezkekutua Santiago Malko. Por, në dëshminë e parë ai tha se nuk kishte kaluar në atë rrugë atë mbrëmje.
Kjo shtoi dyshimet e prokurorisë dhe grupit hetimor të policisë që më vonë arritën të zbardhin edhe darkën në të cilën Teta ka qenë i shoqëruar me personat në fjalë në një lokal në zonën e Freskut.
Gjithashtu, si të përfshirë në këtë ngjarje policia dyshon se janë edhe dy persona të tjerë, emrat e të cilëve nuk i bën publik, për shkak të hetimeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
