Ka ndodhur

Ekstradohet drejt Italisë “xhaxhai” i Ndraghetas, Bujar Sejdinaj

Ekstradohet drejt Italisë, Bujar Sejdinaj, i njohur ndryshe si “xhaxhai” i Ndraghetas.

Sejdinaj u ekstradua dje drejt Italisë. Bujar Sejdinaj nga Dibra u arrestua më 24 korrik në Tiranë.

Ai u prangos në kuadër të operacionit “Magma 2020”, një operacioni të zhvilluar në Shqipëri, Itali, Argjentinë e Costa Rica.

Bujar Sejdinaj njihet si përfaqësuesi i “Ndrangheta” në Shqipëri. Ai është përfaqësuesi i familjes mafioze ‘Bellocchio’.

Gjykata në Shqipëri ka vendosur më datë 8 tetor të këtij viti të lejohet ekstradimi në Itali i Bujar Sejdinajt.

Kërkesa për ekstradim nga Italia të Bujar Sejdinaj ka arritur më 23 gusht në Ministrinë e Drejtësisë, e cila ia ka përcjellë Prokurorisë së Përgjithshme.

Vetë Bujar Sejdinaj ka dëshmuar se nuk ka lidhje me Ndrangheta-n, pasi është marangoz dhe vetëm një herë ka shkuar në Itali.


Copyright © Gazeta “Si”




Më Shumë