Gazeta Si – Kryesuesit e Egnatias arritën sot një fitore shumë të lehtë në fushën e Kukësit, 1-4. Rezultati flet qartë ëpr dominimin e skuadrës së Edlir Tetovës. Në një terren të rënduar, rrogozhinasit morën 3 pikët me shumë lehtësi.
Egnatia shënoi 3 gola në pjesën e parë, fillimisht me mbrojtësin Malota, pastaj me brazilianin Fernando me penallti dhe me sulmuesin Gjata. Një situatë që e tronditi fort Kukësin, ndërsa trajneri Stavri Nica nuk priti pushimin, por bëri 3 ndërrime që në pjesën e parë, duke hequr nga fusha edhe portierin Tafas.
Në pjesën e dytë Egnatia administroi rezultatin me qetësi, pa shpenzuar shumë energji. Rashiti shkurtoi diferencën në 1-3 dhe në fund Montenegro, sulmuesi i ardhur në këtë merkato tek Egnatia, realizoi edhe golin e 4-t.
Rrogozhinasit shkëputen për momentin në 8 pikë nga Partizani, që luan të shtunën ndeshjen e radhës me Laçin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.