Një ditë pasi një nënë e re, e infektuar me koronavirus humbi jetën teksa më herët kishte sjellë në jetë një fëmijë para kohe, edhe sot është regjistruar thuajse një rast i ngjashëm.
Një 22-vjeçare, në muajin e tetë të shtatzënisë, e cila ndodhet e intubuar te Spitali Infektiv në Tiranë, po i nënshtrohet një operacioni për një lindje të parakohshme.
Prej ditësh ajo ishte në gjendje të rëndë shëndetësore, pasi ishte infektuar me Covid-19.
Në fakt, raste të ngjashme janë raportuar disa që kur pandemia ka arritur kulmin e saj.
Ditën e djeshme, 22-vjeçarja Sidorela Koça, nga qyteti i Korçës, ka humbur jetën nga COVID-19, pasi ishte në intubim prej më se 3 javësh në spitalin “Shefqet Ndroqi”.
Gjatë kohës që ka qenë në intubim, mjekët kanë arritur që me lindje të parakohshme të shpëtojnë foshnjën e saj.
Fëmija është në gjendje të mirë, por fatkeqësisht e reja nuk ka mundur të shpëtojë nga virusi i rrezikshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.