.png)
Ndryshimi i zërit kadastral nga liqen dhe kullotë në troje, i ka kushtuar shtrenjtë disa punonjësve të hipotekës në Elbasan te cilët janë kallëzuar penalisht nga Kontrolli i Lartë i Shtetit.
Kjo ka ndodhur në 7 raste të zbuluara nga KLSH dhe tjetërsimi është për më shumë se 27 mijë metra katrorë. Nisja e hetimit është kërkuar për 7 ish-regjistrues, 4 specialistë dhe një ish-specialist hipoteke.
Kontrolli i Lartë i Shtetit ka kaluar në site punën e hipotekës së Elbasanit nga 2014 deri në 2017, dhe përveç rasteve të mësipërme ku liqeni është kthyer ne truall, KLSH ka nxjerrë një seri shkeljes me tjetërsimin e pronave.
Mbi 156 mijë metra katrorë të tjerë janë regjistruar si troje në objekte arkeologjike, ndërkohë që sipas KLSH kjo ka ndodhur duke mos pasur dokumentet e duhura.
Aktet e marrjes në pronësi në bazë të ligjit 7501 kanë qenë me shkresa të parregullta.
Rreth 50 mijë metra katrorë të tjerë janë regjistruar si pasuri shtetërore e privatizuar pa dokumente ligjore të rregullta dhe në shkelje me vendimet e gjykatës. Demi ekonomik llogaritet me me shume 257 milion leke nga shmangja e procedurave ligjore.
Përveç kallëzimit penal KLSH ka kërkuar nga Kryeregjistruesi i hipotekës së Elbasanit marrjen e masave disiplinore për 9 punonjës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
