.png)
Gazeta Si - FBI ka sekuestruar telefonat celularë dhe një iPad të kryebashkiakut të Nju Jorkut, Eric Adams, si pjesë e një hetimi mbi dyshimet për fonde turke në fushatën e tij zgjedhore.
Burime të informuara e raportuan lajmin për CNN. Kryetari i bashkisë nuk ishte nën hetim deri më tani, por federatat kontrolluan shtëpinë e 25-vjeçares Brianna Suggs, përgjegjëse për mbledhjen e fondeve dhe promovimin e agjendës së tij politike.
Burime anonime thanë për "Neë York Times" se oficerët e ndaluan kryetarin e bashkisë në rrugë, duke i kërkuar sigurimit të tij të largohej.
Në atë moment, ata hipën në makinën e shërbimit me të dhe sekuestruan pajisjet elektronike, të cilat ia janë kthyer pas disa ditësh.
Hetimet e qeverisë federale kanë të bëjnë veçanërisht me financimin e fushatës zgjedhore të Adams.
Më 2 nëntor, FBI kreu një kontroll brenda shtëpisë së Brianna Suggs, një figurë kryesore në aktivitetet e mbledhjes së fondeve për fushatat zgjedhore të kryebashkiakut, duke sekuestruar laptopë, telefonë dhe dokumente.
Sipas urdhrit, kërkimi u organizua si pjesë e një hetimi për shkeljet e dyshuara të ligjit të financimit të fushatës, i cili do të përfshijë gjithashtu qeverinë turke dhe kompaninë “Ksk Construction” me qendër në Brooklyn.
Në veçanti, autoritetet po përpiqen të kuptojnë nëse ekzekutivi i Ankarasë i ka bërë donacione Adamsit, duke përdorur individë fiktive për të maskuar origjinën e parave.
“Si ish-pjesëtar i zbatimit të ligjit, pres që të gjithë anëtarët e stafit tim të respektojnë ligjin dhe të bashkëpunojnë plotësisht me çdo lloj hetimi dhe unë do të vazhdoj të bëj pikërisht këtë”, - tha Adams, i cili është një ish kapiten policie.
Body Johnson, avokati i kryebashkiakut, shpjegoi se Adams "është angazhuar për të bashkëpunuar në hetim" dhe se "ai nuk është akuzuar për ndonjë shkelje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
