.png)
Nga Gazeta ‘Si’-Lejet e dhëna për ndërtim kanë shënuar rritje në tremujorin e dytë.
INSTAT bëri të ditur se gjatë kësaj periudhe qeveria ka miratuar gjithsej 509 leje ndërtimi për ndërtesa të reja, nga 339 leje të miratuara në tremujorin e dytë 2022, duke shënuar një rritje prej 50.1%.
Referuar të dhënave, sipërfaqja e lejeve të ndërtimit miratuar për ndërtesa të reja, në tremujorin e dytë të këtij viti është 652.136 m 2, nga 661.945 m 2 që ishte miratuar në të njëjtën periudhë të një viti më parë duke shënuar një ulje prej 1.5%.
Gjatë tremujorit të dytë, vlera e përafërt e lejeve të ndërtimit miratuar për ndërtesa dhe punime inxhinierike është 24.4 miliardë lekë, nga 25.9 miliardë që ishte në të njëjtën periudhë të 2022-shit, duke shënuar një ulje prej 5.8%.
Për 6 mujorin është dhënë gjithsej sipërfaqe me leje 660 mijë metra katror, që është sa gjysma e asaj që u dha në të njëjtën periudhë të një viti më parë.
Në 6 muajt e parë të vitit, në Tiranë është dhënë rreth 62% e sipërfaqes së akorduar për të gjithë vendin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
