.png)
Pas mungesës së impenjimit në kombëtare për shkak të problemeve shëndetësore, zero minuta edhe në Crotone-Juventus për Paulo Dybala që qëndroi në pankinë gjatë gjithë ndeshjes. Situata nuk i ka pëlqyer sulmuesit që, sipas asaj që bën të ditur Tuttosport, ka pasur një debat të fortë me Fabio Paratici në tunelin e dhomave të zhveshjes në përfundim të ndeshjes. Dybala i ka shfaqur drejtorit sportiv bardhezi pakënaqësinë e tij për mos aktivizimin në fushë.
Pirlo, pas ndeshjes, e ka justifikuar kështu zgjedhjen: “Është stërvitur të premten 10 minuta, nuk ishte situata ideale (me skuadrën të mbetur me 10 për daljen e Chiesas me të kuq) për ta futur në fushë”.
Shpjegim që nuk e ka bindur plotësisht Joyan, të paktën duke interpretuar një ‘like’ (pastaj të hequr) në një postim në Twitter të Fabiana Della Valle, gazetare e "La Gazzetta dello Sport", që kishte shkruar: “Pyes veten nëse ka kuptim të marrësh Dybala në Crotone, nëse nuk do ti japësh minuta në këmbë. Nëse nuk do të ishte në gjendje të luante, nuk ishte më e udhës ta linin në Torino të stërvitej? #CrotoneJuve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
