Lajme

Durrës, kapen 4 të rinj, tentuan të ikin në vendet e BE të fshehur mes konfeksioneve

Ka rezultuar e pasuksesshme tentativa e katër të rinjve për t’u larguar nga Shqipëria përmes Portit të Durrësit. Katër të rinjtë ishin fshehur mes konfeksioneve dhe makinerive të një trajleri, që do të kalonte nga Porti i Durrësit.

Policia e Durrësit ka njoftuar se ka arrestuar drejtuesin e trajlerit Mariglen Mema 24 vjeç nga Shijaku dhe 29 vjecarin Altin Hajdini nga Durrësi, i cili ishte fshehur në automjet, me qëllim për të kaluar kufirin në mënyrë të paligjshme bashkë me tre të tjerët.

Policia ka dhënë vetëm inicialet e tre personave të tjerë, që ishin fshehur në trajler H.L. 32 vjeç, banues në Tiranë; V.M. 34 vjeç, banues në Mirditë dhe F.V. 28 vjeç, banues në Peshkopi.

Policia njoftoi se katër personat janë persona me rekorde, si të parregullt në vendet e BE-së.


Copyright © Gazeta “Si”


Më Shumë