.png)
Gazeta Si - Në SHBA po nxehet debati mes kandidatëve republikanë në primare për zgjedhjet presidenciale të vitit 2024.
Ron DeSantis ka bërë të ditur se me të në Shtëpinë e Bardhë do të ndryshonte politika për luftën në Ukrainë.
"Është në interesin tonë t'i japim fund luftës në Ukrainë, - tha ai. - Nëse zgjidhem president, unë do të ndaloj së shkruari çeqe bosh në Kiev. Ne duhet të kujdesemi për amerikanët".
Më pas, ai sulmoi Joe Biden dhe Donald Trump: "Politikanët në Uashington po shkatërrojnë ëndrrën amerikane, - tha ai. - Joe Biden nuk bën asgjë dhe as Donald Trump nuk bën asgjë. Ai duhet të jetë këtu në skenë me ne".
Në SHBA, përplasja e dytë televizive në funksion të kandidaturës republikane për Shtëpinë e Bardhë nuk ofron tronditje të mëdha dhe vijon siç pritej: të gjithë kundër të gjithëve dhe katër protagonistë kundër ish-presidentit Donald Trump, i cili mungoi si në rastin e parë.
I pari që drejtoi gishtin nga Trump, ishte guvernatori i Floridës, Ron DeSantis,”benjamini” i tij, i ndjekur nga afër nga ish-guvernatori i Nju Xhersit, Chris Christie, dhe nga Mike Pence dhe Nikki Haley.
“Ai duhet të jetë këtu me ne, por përkundrazi mungon”, komentoi guvernatori i Floridës, duke akuzuar ish-presidentin se i ka shtuar borxhit 7.800 miliardë lekë, duke përgatitur efektivisht terrenin për inflacionin që po prek sot vendin.
"Donald, e di që po shikon, nuk mund të rezistosh. Ke frikë të jesh në këtë skenë duke mbrojtur rezultatet e tua", tha Christie nga ana e tij, i cili shpiku pseudonimin "Donald Duck" për ish-presidentin.
Dhe nëse të gjithë kandidatët e mundshëm ranë dakord për dështimin e politikave ekonomike të administratës aktuale të Joe Biden, lufta në Ukrainë i ndau ata.
"Është në interesin tonë t'i japim fund kësaj lufte" në Ukrainë. "Kjo është ajo që unë do të bëj si president. Ne nuk do të kemi një çek bosh. Nuk do të kemi trupa amerikane" në vend.
"Ne do t'i bëjmë evropianët të bëjnë atë që duhet të bëjnë", tha DeSantis.
Guvernatori i Floridës beson se detyra për të mbrojtur Shtetet e Bashkuara nga valët e emigracionit të pakontrolluar në kufirin jugor është më e rëndësishme se ajo e ndihmës së Ukrainës.
"Vendi ynë është pushtuar. Ne nuk kemi as kontroll mbi territorin tonë. Ne duhet të mbrojmë popullin amerikan përpara se të shqetësohemi për të gjitha këto gjëra të tjera", shtoi DeSantis.
Megjithatë, për Nikke Haley, Pence dhe shumicën e kandidatëve të tjerë, një fitore ruse në Ukrainë do të ishte për t'u shmangur dhe do të nënkuptonte, mbi të gjitha, një fitore për Kinën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
