Gazeta Si- Drejtoria e Hetimit Antimafia, ka ekzekutuar 19 urdhra-arresti të lëshuara nga Prokuroria e Përgjithshme e Barit, duke goditur një organizatë kriminale të trafikut të drogës mes Shqipërisë dhe Italisë.
Masat pasojnë rezultatet e operacionit “Kulmi”, të nisur nga qendra operacionale Dia në Bari, si pjesë e një ekipi të përbashkët hetimor - një organ bashkëpunimi gjyqësor dhe policor - i krijuar posaçërisht në vitin 2017 me drejtorinë e qarkut antimafia të kryeqendrën puljeze.
Sipas mediave italiane, SPAK dhe Eurojust, bënë të mundur çmontimin e një organizate të fuqishme kriminale transnacionale të trafikantëve të drogës që vepronin në zonën e Barit, me degëzime jo vetëm në territorin shqiptar, por edhe në Pulia dhe Bazilikata.
Prokuroria e Përgjithshme dënoi përfundimisht me burgim deri në 11 vjet e 6 muaj burgim për trafik ndërkombëtar droge, pas vendimit të Gjykatës së Lartë të Kasacionit të 14 dhjetorit të kaluar.
Operacioni, ndër të tjera ka rezultuar me arrestimin e 27 bashkëpunëtorëve dhe sekuestrimin e mbi 3.3 ton drogë (marihuanë, kokainë dhe heroinë).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.