.png)
Dy persona janë vënë në pranga, pasi akuzohen për shpërndarje të lëndëve narkotike.
Të arrestuar janë shtetasit Armando Behari, 24 vjeç, nga Tirana dhe Xhevit Bogdani, 21 vjeç, nga Përrenjasi, si dhe u procedua në gjendje të lirë O. Gj., 29 vjeç, nga Tirana.
Policia kishte informacion për këta persona se në bashkëpunim me njëri-tjetrin shpërndanin lëndë narkotike në zonën e “Ali Demit” dhe “Martenitetit të Ri” dhe gjatë kontrollit të ushtruar nga shërbimet e Policisë në studion e tatuazheve në pronësi të Armando Beharit, ku i pranishëm në studio ndodhej edhe Xhevit Bogdani, u gjet një çantë me lëndë të dyshuar narkotike e llojit Cannabis Sativa, si dhe një sasi fishekësh të kalibrit të ndryshëm.
Gjithashtu gjatë kontrollit të ushtruar në banesën e shtetasit Xhevit Bogdani, i cili jetonte me shtetasin O. Gj., është gjetur një sasi tjetër lënde e dyshuar narkotike, si dhe një dorezë metalike në kushtet e armës së ftohtë e cila i përkiste shtetasit O. Gj.
U sekuestruan në cilësinë e provës materiale:
1 kg e 111 gramë lëndë e dyshuar narkotike e llojit Cannabis Sativa,
66 fishekë të kalibrit të ndryshëm,
2 aparate celularë dhe 1 dorezë metalike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
