.png)
Është finalizuar sot me sukses operacioni i koduar “Mifoli”, ku si rezultat janë sekuestruar lëndë narkotike, një armë zjarri dhe municione. Në pranga nga ky operacion ka rënë 2 shtetas, shpallet në kërkim 1 tjetër dhe procedohen penalisht 2 kryepleq fshatrash.
Policia bën me dije në njoftimin e saj se kishte marrë informacione se shtatasit me inicialet A. L., 44 vjeç banues në fshatin Mifol dhe Th. N., 53 vjeç, banues në fshatin Aliban kultivonin lëndë narkotike.
Gjatë kontrollit të ushtruar në banesën e shtetasit A.L në Mifol, përveç 13 kilogramë lëndë narkotike kanabis, janë gjetur dhe sekuestruar edhe një armë zjarri automatik si dhe 30 fishekë.
Përveç këtyre dy shtetasve, policia ka proceduar penalisht edhe dy kryepleqtë e këtyre dy fshatrave N.D dhe Dh.N me akuzën e shpërdorimit të detyrës. Materialet i kaluan Prokurorisë për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
