.png)
Gazeta Si – Në stolin e Dinamos, pas largimit të Luixhi Di Biaxhos, pritet të ulet Dritan Mehmeti. Trajneri kryeqytetas do të rikthehet në këtë detyrë pas 3 muajsh, pasi ishte ai që e drejtonte këtë skuadër para ardhjes së italianit.
Klubi blu pritet vetëm ta zyrtarizojë ndryshimin në stol, pasi vendimi është marrë. Mehmeti do të debutojë në stolin e Dinamos në derbin me Tiranën. Ndeshja në fjalë, e para për fazën e dytë të kampionatit, është parashikuar të luhet ditën e shtunë, në stadiumin ‘Selman Stërmasi’.
Gjatë javës trajneri i ri dhe stafi i tij kanë detyrën e vështirë të ngrenë moralin e futbollistëve pas rezultateve të dobëta, që e kanë lënë Dinamon në vend të fundit. Përveç Dinamos, Dritan Mehmeti ka drejtuar më parë edhe Partizanin dhe Korabin.
Di Biaxho e drejtoi Dinamon në 9 ndeshje kampionati, ku grumbulloi vetëm 7 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
