Drejtoria e Tatimpaguesve të Mëdhenj ka zhvilluar një takim informues me 360 konsulentë fiskalë për prezantimin e ndryshimeve në legjislacionit tatimor në kuadër të Paketës Fiskale 2019.
“Qëllimi i këtij takimi është njohja me këto ndryshime, zbatimi sa më korrekt dhe informimi i duhur i tatimpaguesve. DTM në çdo kohë, përmes strukturave të saj do të jetë e gatshmë të ofrojë asistencë profesionale, në mënyrë që të gjitha ndryshimet ligjore të kuptohen sa më drejtë”, tha Drejtoresha e Drejtorisë së Tatimpaguesve të Mëdhenj znj.Enkeleida Pipa. Ajo i ftoi përfaqësuesit e tatimpaguesve të mëdhenj që të përdorin të gjitha kanalet e komunikimit të vëna në dispozicion nga ana e administratës tatimore, për t’u njohur me ndryshimet në legjilacionin tatimor dhe për t’i zbatuar ato sa më drejtë.
Përfaqësuesit e tatimpaguesve të mëdhenj paraqitën propozimet e tyre konkrete.
Paketa Fiskale 2019, ka si objektiv përmirësimin e administrimit në mbledhjen e të ardhurave, reduktimin e kostove të përmbushjes tatimore, si nga biznesi, ashtu edhe nga administra, por edhe nxitjen e deklarimeve dhe pagesave në kohë.
Kjo paketë synon lehtësimin e procedurave tatimore, stimulimin e zhvillimit të disa sektorëve, si : bujqësisë, turizmit, energjetikës, inovacionit etj.; reduktimin e evazionit fiskal dhe shmangies tatimore, si dhe lehtësimin e komunikimit kryesisht në rrugë elektronike, si me institucionet e linjës, ashtu edhe me tatimpaguesit.
Në vazhdimësi Administrata Tatimore do të njohë tatimpaguesit në mënyrë më të detajuar me ndryshimet në udhëzime që kanë hyrë tashmë në fuqi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.