.png)
Juventus nuk ia del edhe njëherë tjetër t’iu rikthehet fitoreve, duke u ndëshkuar në sekondat e fundit. Bardhezinjtë janë ndalur në barazim 1-1 në transfertën e Romes, përballë Lazios. Të besuarit e Pirlos e nisën sfidën në mënyrën më të mirë të mundshme teksa shënuan me anë të Ronaldos në minutën e 16-të, me portugezin që pas një pasimi perfekt të marrë nga Cuadrado ia doli ta dërgojë topin në rrjetë. Pjesa tjetër e 45 minutave të para ishte me raste të tjera nga të dyja skuadrat, të cilat nuk ia dolën të shënonin.
Pjesa e dytë foli më shumë për vendasit, që kërkuan me ngul golin, duke hedhur në fushë të gjithë arsenalin e mbetur, edhe pse me shumë mungesa. Correa fantastik në driblimet e tij dhe pasim perfekt për Caicedo që nuk fa shënon në minutën e 95-të duke hedhur poshtë të gjithë ndeshjen e bardhezinjve.
Me këtë barazim Lazio shkon në kuotën e 11 pikëve, në vendin e 9-të ndërsa Juventusi renditet i treti me 13 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
