.png)
Avokati Fran Dashi ka paraqitur kërkesën për rivendosjen në afat të ankimimit ndaj vendimit për Izet Haxhinë.
“Jemi për të studiuar aktet e para. Pretendimi ynë është të rihapet dosja nga e para. Pasi hetimi dhe gjykimi i klientit tim për ngjarjen e 12 shtatorit 1998 është bërë në mungesë”- deklaroi avokati Fran Dashi.
Avokati nuk dha sqarime nëse Izet Haxhia do të paraqesë prova të reja, që do të mundësonin rihapjen e çështjes apo do të mbështeste kërkesën vetëm në momentin procedurial të gjykimit në mungesë.
Ish truproja e ish Kryeministrit Sali Berisha u ekstradua nga Turqia pas 19 vitesh dhe aktualisht ndodhet në ambientet e burgut 302 në kryeqytet.
Avokati i Izet Haxhisë kishte paralajmëruar dhe më herët rihapjen e çështjes së klientit të tij.
Ish truproja i Berishës është dënuar me 25 vite burg për vrasjen e Azem Hajdarit, në shtator 1998, por vetë Izet Haxhia nuk e ka pranuar asnjëherë pjesëmarrjen në vrasje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
