Eduard Lleshi, 24-vjeçari që dhunoi me grushte mjekun Zef Doda paraditen e sotme në spitalin e Lezhës është dorëzuar në mbrëmje në polici.
I riu ka dëshmuar para uniformave blu, duke sqaruar se e rrahu mjekun, pasi ky i fundit nuk i shërbeu.
“Debatova me të dhe e kam qëlluar me grushte. Nuk po me shërbente, ishte në gjendje të dehur”, ka thënë 24-vjeçari.
Mjeku ka marrë fraktura në kokë dhe në trup, ndërsa pas ndihmës së parë në spitalin e Lezhës, është dërguar për mjekim të specializuar në spitalin e Traumës në Tiranë. Ai është jashtë rrezikur për jetën, por familjarët shprehen se është akoma i tronditur dhe në panik pas asaj që ka ndodhur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.