.png)
Gazeta Si - Skerdi Bejzade është larguar nga stoli i Laçit. Trajneri kryeqytetas mësohet se ka ndërprerë kontratën me Laçin, ekipin që e drejtoi disa javë, pas largimit të Stavri Nicës që në javën e parë të këtij kampionati.
Laçi në fakt është një ambient pak i vështirë për trajnerët. Bejzade e kishte të qartë këtë fakt, por tentoi të bënte diçka. Pas humbjes me Dinamon edhe ai është dorëzuar, duke bërë që drejtuesit e klubit të vihen në kërkim të trajnerit të 3-të, kur kanë kaluar vetëm 6 javë kampionat.
Ndarja mes Bejzades dhe Laçit është bërë me konsensus. Në stolin e Laçit do të rikthehet ndërkohë Mirel Josa. Trajneri njohur e merr drejtimin e kësaj skuadre me 7 pikë pas 6 ndeshjeve të luajtura deri tani. Josa e njeh ambientin dhe shihet si trajneri i duhur për ta ngritur ekipin kurbinas në klasifikim.
Gjatë kësaj kohe kanë ndërruar trajneri edhe dy klube të tjera të Superiores, Kukësi dhe Teuta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
