.png)
Një dorëshkrim i rrallë nga romancierja angleze, Charlotte Bronte, kur ajo ishte adoleshente, pritet të dalë në shitje në Nju Jork për 1.25 mln $. Libri në miniaturë mban një thesar letrar prej 10 poezish nga autorja e “Jane Eyre”.
Vepra e titulluar “Një libër me rimë nga Charlotte Bronte”, i shitur nga askush dhe i shtypur nga ajo vetë është më i vogël në përmasë se një letër bixhozi, e megjithatë mban një thesar letrar prej 10 poezish nga autorja e “Jane Eyre”.
Dorëshkrimi, i datës dhjetor 1829, nuk është parë më në publik që kur u shit në Nju Jork në vitin 1916, sipas Henry Wessells, një bashkëpunëtor në dyqanin e koleksioneve “Bookseller James Cummins”. Kohët e fundit njoftohet se është gjetur në një koleksion privat.
Të bashkuara së bashku me kopertinën origjinale të letrës kafe, 15 faqet tregojnë përralla që përfshijnë “botën e sofistikuar imagjinare” të Brontës dhe vëllezërve e motrave të saj.
“Ata shkruan tregime aventureske, drama dhe vargje në libra, të mbushura me shkrime të vogla të dorës që synojnë t’i ngjajnë shtypit”, thuhet në njoftim.
“Cummins” së bashku me “Maggs Bros” janë dy tregtarët që shesin veprën në Panairin Ndërkombëtar të Librit në Nju Jork më 21 prill.
“Dorëshkrimi ishte për herë të fundit në sy të publikut në vitin 1916. Tani pronari dëshiron të sigurohet që ai të ruhet për brezat e ardhshëm”.
“Në vijim janë përpjekje për rimën e një natyre inferiore, duhet pranuar, por megjithatë ato janë më të mirat e mia”, shkruan Bronte në faqen e titullit të dorëshkrimit. Dhe në fund të librit, ajo pohon kontrollin krijues mbi botën imagjinare të krijuar nga ajo vetë dhe vëllezërit e motrat.
Autore e romanit “Jane Eyre”, Charlotte Bronte ishte një shkrimtare, poete dhe romanciere e shekullit të 19-të. Ajo ishte gjithashtu një nga tre motrat Brontë, së bashku me Emily dhe Anne, të famshme për talentin e tyre letrar.
Brontë dhe motrat e saj Emily dhe Anne shkruan disa nga romanet më të pëlqyera në gjuhën angleze, duke përfshirë “Jane Eyre” (1847), “Wuthering Heights” (1847) dhe “The Tenant of Wildfell Hall” (1948).
Në vitin 2011, një tjetër nga dorëshkrimet e vogla të shkruara me dorë të Brontës u shit për 1.07 milionë dollarë. Muzetë rivalë filluan një betejë ofertimi mbi artikullin - i cili u shkrua në 1830 kur ajo ishte 14 vjeç.
Marrë nga CNN, përshtati në shqip Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
