Do kryente një krim, kapet vrasësi me pagesë në Shkodër

11:51 - 03 Korrik 2020

Policia e Shkodrës ka vënë në pranga një 48-vjeçar, pasi është kapur duke qarkulluar me një motomjet pa targa dhe me armë me vete.

Bëhet fjalë për shtetasin me inicialet G. B, 48 vjeç, banues në Tiranë, i dënuar më parë për mashtrim dhe dhunë në familje. Policia bën me dije se 48-vjeçari është përdorur nga grupe kriminale për vrasje me pagesë. Ai është kapur duke qarkulluar nga Tirana në drejtim të qarkut Shkodër.

Në cilësinë e provës materiale i është sekuestruar një armë zjarri automatik “Scorpion” me silenciator dhe 20 fishekë, me të cilën dyshohet se do kryente një vrasje.

Ndër të tjera, policia thotë se nën drejtimin e Prokurorisë së Rrethit Gjyqësor Shkodër vijon puna për zbardhjen e arsyes së qarkullimit me armë zjarri me silenciator dhe motomjet pa targa.

Materialet i kaluan Prokurorisë pranë Gjykatës së Shkallës së Parë Shkodër, për veprën penale “Armëmbajtja pa leje”.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.