Djathi, bulmeti aq shumë i preferuar nga të gjithë, duket se jo vetëm që nuk dëmton shëndetin e zemrës, siç u pretendua në një studim disa kohë më parë, por ka ndikim në jetëgjatësinë e njeriut.
Shkencëtarët kanë zbuluar se spermidina, një përbërës që gjendet në disa lloje të djathërave, mund t’jua zgjatë jetën. Ky përbërës magjik mund ta parandalojë kancerin dhe fibrozën e mëlçisë.
Shkencëtarët i kanë zbuluar efektet pozitive të kësaj substance duke i ushqyer kafshët laboratorike me suplemente të spermidinës. Disa prej kafshëve kishin arritur të jetonin deri në 25% më gjatë sesa është jetëgjatësia mesatare e species së tyre.
Rritja dramatike e jetëgjatësisë kishte ndodhur vetëm te kafshët që ishin ushqyer me spermidinë gjatë tërë jetës së tyre.
Kur hulumtuesit i kishin ushqyer kafshët me këtë përbërës në vitet e vonshme të jetës, jetëgjatësia e tyre ishte rritur për vetëm rreth 10%.
Përveç këtij studimi, edhe studimet e mëhershme kanë treguar se djathi është i shëndetshëm pasi që e shpejton metabolizmin, është i mirë për kockat dhe dhëmbët, ju ndihmon të shtoni masë muskulore që ndihmon në shëndetin e zemrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.