.png)
Gëzuar ditën e parë të shkollës, princeshë Charlotte!
E shoqëruar nga prindërit dhe i vëllai ajo arriti në shkollën ‘Thomas’s Battersea’ në Londër për ditën e parë të shkollës.
Charlotte kishte veshur uniformën e shkollës e cila është në ngjyrë blu të errët me vijëzime të kuqe dhe kishte kapur përdore mamanë e saj. Kate Middleton mbante në dorë çantën e saj të shkollës teksa princesha dukej e lumtur teksa luante me flokët e saj. Para se të hynte në ambientet e shkollës, ajo i dha dorën një zyrtareje të shkollës.
Edhe pse dita e parë e shkollës mund të duket e frikshme për shumë fëmijë, Charlotte e ka që tani një shok për të luajtur pasi edhe vëllai i saj, princi George është nxënës në atë shkollë.
Njësoj si i vëllai, Charlotte tashmë do marri mbiemrin Cambridge, pra shokët dhe shoqet e klasës do e thërrasin atë Charlotte Cambridge.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
