.png)
Ngacmimi seksual në vendin e punës është bërë një gjë e zakonshme. 66% e grave thonë se janë pre e ngacmimeve seksuale në vendin e punës. Rreth 61 përqind e meshkujve që ngacmojnë janë bosët. Sulmuesit seksual ndikojnë në perceptimin e një personi për vetën, dhe kjo mund të çojë në probleme serioze shëndetësore, shkruan Bright Side. Ndonjëherë është shumë e vështirë të kapërcehet kjo pjesë, sidomos kur një grua apo vajzë ngacmohet nga shefi i saj. Por ka disa mënyra si të mbroni vetën.
Të dish të ruash qëndrimin si grua
Kur punoni me burra, mos harroni se jeni një grua. Dhe përpiquni të shmangni flirtimin me bashkëpunëtorët. Ju jeni një kolege dhe një anëtare e një ekipi, jo një objekt dëshire. Ju jeni një grua e bukur dhe kjo do të thotë që do të merrni komplimente, por është më mirë të dalloni punën dhe jetën personale. Meshkujt duhet të kujtojnë se ju jeni një grua dhe ata duhet të pajtohen me disa standarde të mirësjelljes në praninë tuaj: ata nuk duhet të shajnë, nuk duhet vënë ndonjë pseudonim, duhet të flasin dhe sillen me respekt.
Mbani shënime
Shkruani çdo incident të ngacmimit në detaje. Data, koha, vendi, fjalët dhe veprimet. Është gjithashtu e nevojshme të dokumentoni se kush është afër jush në ato momente që mund të provojë këtë pjesë në të ardhmen. Mbani të gjitha të dhënat në një vend të sigurt në mënyrë që askush mos t’i shoh ato. Ju mund të paralajmëroni ngacmuesin për regjistrimin e bisedës tuaj në një regjistrues zëri ose kamera. Me këtë do t'i detyroni të jenë më të përmbajtur dhe të mendojnë për fjalët dhe veprimet e tyre. Të gjitha këto prova dhe të dhënat e mbajtura mirë mund t'ju ndihmojnë për të mbrojtur rastin tuaj.
Gjeni një shoqërues
Zakonisht, një dhunues nuk sillet i keq me vetëm një person. Ju mund të diskutoni situatën tuaj me ata bashkëpunëtorë të cilëve ju i besoni. Është më e lehtë të rezistosh kur ke dikë përkrahë. Sa më shumë njerëz që do të raportojnë ngacmimin, aq më i mirë rezultati. Por sigurohuni që shoqëruesi juaj është një person i besueshëm, i cili do t'ju mbështesë jo vetëm me fjalë, por do të qëndrojë me ju gjatë gjithë kohës.
Shmangni takimet vetëm për vetëm
Përpiquni të shmangni takimin vetëm për vetëm me personin që iu ngacmon. Nëse e takoni rastësisht në korridore apo ne vende që nuk ka njerëz, përpiquni të shmangni bisedën. Kur është në prezencë të njerëzve të tjerë ai është i qetë dhe i sjellshëm. Keni nevojë për një person të tretë për të provuar fjalët tuaja në të ardhmen.
Studioni legjislacionin.
Nëse mbikëqyrësi ose punonjësi i burimeve njerëzore nuk mund t'ju ndihmojë për arsye të ndryshme (ngacmuesi juaj është miku i tyre, një punonjës i çmuar ose edhe bosi), ju mund t'i referoheni bazës legjislative. Kërko informacione për të njëjtat raste dhe studioni me kujdes ligjin e punës. Kontaktoni autoritetet që merren me të drejtat e punëtorëve.
Ju mund të takoni një avokat me të gjitha provat e mbledhura. Pyesni eprorin tuaj që t'ju ofrojë një version të shkruar ose elektronik të refuzimit për të zgjidhur problemin tuaj. Ju duhet të përmblidhni të gjitha deklaratat dhe ankesat tuaja, në mënyrë që më vonë t'i përdorni ato në gjykatë.
Ndryshoni sjelljen dhe qëndrimin tuaj
Mundohuni të ndryshoni qëndrimin tuaj ndaj ngacmimit. Nëse është e mundur, mos përdor ofendime dhe zemërim. Reagoni në një mënyrë të ftohtë dhe shumë indiferente ndaj ngacmuesit. Përgjigjuni me fraza të shkurtra me një rresht me një zë të qetë dhe të sigurt, pa acarim ose ndërprerje. Mos flisni butë, flisni me zë të lartë dhe në mënyrë të qartë. Përdorni trupin tuaj në avantazhin tuaj. Një pozicion i sigurt, lëvizje të përmbajtur, sjellje të mirë - të gjitha këto ju ndihmojnë ndaj ngacmuesit. Qëndroni në këmbë, shpatullat drejtë, me mjekër tuaj lart. Këto qëndrime do t'ju japin një ndjenjë besimi dhe fuqie. Jini gati për të mbrojtur vetën. Për fat të keq, nganjëherë ngacmimi nuk është verbal bëhet edhe fizik. Ka shumë teknika që do t'ju ndihmojnë të mbroheni.
Mos e fajësoni veten.
Të qenit e keqtrajtuar nuk është faji yt. Një nga arsyet është dëshira e abuzuesit për të rritur vetëbesimin e tyre. Ju përpiquni të kuptoni përse u bëtë ju objektiv. Dhe përpiquni ta merrni atë në një mënyrë pozitive. Kjo nuk do të thotë që ju jeni një person i dobët. Përkundrazi, ju jeni një personalitet i fortë që po përpiqen të të thyejnë. Ju keni mendimin tuaj dhe jeni gati për të mbrojtur perspektivën tuaj.
Mësoni nga gabimet tuaja, punoni në elasticitetin tuaj, këmbënguljen dhe shtoni vetëbesimin. Ju mund të bëni një listë të arritjeve tuaja dhe pikave më të forta dhe mendoni rreth tyre kur dëgjoni fjalë abuzive. Qëndro e sjellshme, pozitive, dhe bëjë më të mirën në punë. Kolegët tuaj do ta vlerësojnë atë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
