Automjeti i kryetarit të grupseksionit të Partisë Demokratike në Shelqet të Bashkisë Vau i Dejës, Ariston Drini, është djegur gjatë natës.
Bëhet fjalë për një makinë tip fuoristradë “Ford”, për të cilin, Drini thotë se fillimisht ka dëgjuar një shpërthim dhe më pas e ka parë atë në flakë.
Mësohet se automjeti ka qenë i parkuar para banesës. Ndërkohë policia dhe grupi hetimor ishin në vendngjarje, ku edhe kanë marrë dëshminë e Ariston Drinit.
Ky i fundit ka mohuar të kishte konflikte apo probleme. Mes pistave të hetimit, është edhe ajo e konflikteve për shkak të fushatës elektorale në prag të zgjedhjeve parlamentare të 25 prillit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.