.png)
Gazeta Si – Edhe pse Ajaksi nuk po zhvillon një kampionat pozitiv, potieri shqiptar i ekipit të madh holandez ka arritur të bjerë në sy me paraqitjet e tij dhe të vihet në shënjestër të klubeve të Premier Ligës.
Bëhet fjalë për Diant Ramajn, 22-vjeçarin e lindur në Shtutgart, që po ndiqet me interes nga Mançester Junajtid dhe Çelsi. Në merkaton e verës Ramaj pritet të lërë Ajaksin për t’u transferuar në kampionatin anglez, ndërsa emri i skuadrës mbetet për t’u parë.
Portierit të talentuar i ka dalë emri te Kosova, pasi ai e ka edhe nështetësinë kosovare, siç kanë pohuar drejtues të saj kohët e fundit. Po ashtu, ai mund të jetë një nga ata lojtarë që po ndiqen edhe nga Shqipëria, por vetë portieri Ramaj duket se preferon Gjermaninë dhe po pret ftesën e saj.
Diant Ramaj u transferua këtë sezon nga Eintraht Frankfurt tek Ajaksi, ku pjesë e operacionit ishte edhe një menaxher shqiptar. Portieri po paraqitet vërtet mirë dhe ofertat nuk mungojnë që tani, pa u mbyllur sezoni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
