Tension i lartë në Marsejë. Pas incidenteve të rënda në kampin stërvitor të Commandie, i cili ishte i rrethuar nga qindra tifozë të zemëruar kundër klubit, ndeshja e planifikuar, OM-Rennes, është shtyrë për një datë të mëvonshme. Drejtuesit e Rennes kanë dhënë aprovimin e tyre për shtyrjen e propozuar nga Marseille pas demonstratës së dhunshme që përfundoi me arrestimin e 25 personave dhe plagosjen e shtatë policëve.
Episodi i rëndë la gjurmët e tij te Olympique Marseille. Klubi francez, nëpërmjet duarve të Frank Mçourt, lëshoi një deklaratë të ashpër duke dënuar autorët e bastisjes në qendrën sportive:
“Asgjë nuk është më e rëndësishme sesa siguria e punonjësve tanë, mbështetësve tanë dhe komunitetit tonë. Mund të ketë mosmarrëveshje midis nesh dhe tifozëve në menaxhimin dhe drejtimin e klubit, por ne nuk do t’i tolerojmë këto shqetësime që rezultojnë në sjellje të dhunshme.
Tifozët OM e duan klubin e tyre dhe për këtë arsye është e pamundur në sytë e mi të njoh statusin e tifozëve për këto grupe të vogla banditësh. Do të konsultohemi me të gjitha autoritetet për të siguruar që personat përgjegjës për këto akte skandaloze të dhunës të sillen para drejtësisë. Periudha që po kalojmë është e trazuar, ndonjëherë e tronditur nga veprime të pakontrolluara dhe megjithatë e orkestruar nga forca shumë të liga. Si kaq shumë qytetarë në Amerikë dhe në të gjithë botën, unë jam mbingarkuar dhe skandalizuar nga imazhet e Capitol Hill, nga stuhia e njerëzve të papërgjegjshëm.
Përhapja e informacionit të rremë dhe gënjeshtrës përmes rrjeteve sociale ka bërë të mundur arritjen e të pamendueshmes, duke tronditur një nga vendet më emblematike të demokracisë. Ajo që ndodhi disa javë më parë në Washington DC dhe ajo që ndodhi dje në Marsejë ndjekin një logjikë të krahasueshme: pak burime ushqejnë një ferr mendimesh, kërcënimesh që amplifikohen nga rrjetet sociale, duke krijuar kushtet që çojnë në dhunë dhe kaos.
Kjo valë dhune më çon më shumë se kurrë të riafirmoj vullnetin tim dhe angazhimin tim ndaj OM dhe Marsejës. Këto forca të errëta dëshirojnë të shkatërrojnë punën e bërë, por na forcojnë. Gjithmonë është më e lehtë të shkatërrosh sesa të ndërtosh. Ne jemi ndërtues. Me të gjithë ekipin dhe presidentin e saj, OM do të vazhdojë rrugëtimin e tij”.
🔹Certains supporters sont pénétrés dans la Commanderie : #TeamOM pic.twitter.com/wOSOm1fF6I
— Mercat'OM (@mercat_om) January 30, 2021
Tensione që konfirmojnë momentin shumë të vështirë që po kalon Marseille në të gjitha nivelet. Jo vetëm nga pikëpamja e rezultateve. Disa probleme, për më tepër, raportohen gjithashtu në dhomat e zhveshjes, ku Thauvin dhe Payet kanë shkëmbyer akuza dhe vetë Villas-Boas tashmë ka njoftuar zyrtarisht në një konferencë për shtyp se ai nuk do të mbetet përtej skadimit të kontratës në qershor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
