.png)
Probleme për Luciano Spallettin. Trajneri i kombëtares italiane nuk mund të bazohet te shërbimet e Destiny Udogies në Euro 2024.
Anësori i majtë, pjesë e Tottenhamit në Premier League, ka pësuar një dëmtim dhe ka mbyllur sezonin. Duke humbur pjesëmarrjen në Europianin e Gjermanisë.
Nëpërmjet një postimi në rrjetet sociale, 21-vjeçari ka lajmëruar mbylljen e sezonit si pasojë e operacionit që u detyrua të kryente, duke mos specifikuar problemin fizik.
“Planet e zemrës i përkasin njeriut, por përgjigja e gjuhës vjen nga Zoti. Një dëmtim i dha fund me herët sezonit tim. Por kjo situatë nuk e zbeh aspak mirënjohjen që kam ndaj çdo personi që më ka mbështetur këtë vit”, shkruan Udogie.
Lojtari është një risitë e Spallettit në kombëtaren e kaltër. Udogie debutoi me Italinë në tetorin e vitit të kaluar. Dhe deri tani numëron 3 ndeshje.
Pikërisht Italia do të jetë kundërshtari i parë i Shqipërisë në Euro 2024, teksa në grupin B bëjnë pjesë edhe Kroacia e Spanja. Kuqezinjtë e Sylvinhos do të përballen në Dortmund me skuadrën e Spallettit, në datën 15 qershor (Signal Iduna Park)./ Supersport
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
