Dështon seanca e parë gjyqësore ndaj ish-Prokurorit të Përgjithshëm të Adriatik Llalla, në Gjykatën e Posaçme.
Avokati i ish-kryeprokurorit kërkoi përjashtimin e gjyqtares Daniela Shirka.
Sipas avokatit Sokol Hazizaj, çështja është dërguar në Gjykatën e Lartë pa u shprehur kjo gjykatë dhe si pasojë, nuk mund të vijojë procesi në Shkallën e Parë.
Në seancë ishin të pranishëm edhe përfaqësues të Ambasadës Amerikane në Tiranë.
Seanca e radhës u caktua më 3 shkurt ora 14:00.
Adriatik Llalla ka aktualisht statusin e të pandehurit në Gjykatën Kundër Korrupsionit dhe Krimit të Organizuar, ku do të gjykohet për akuzën e “fshehjes dhe mosdeklarimit të pasurisë”, kryer në tri raste, vepër për të cilën Kodi Penal parashikon dënim nga gjobë, deri në 3 vite burg.
Ndërkohë, 4 ditë më parë ish-Prokurori i Përgjithshëm, Adriatik Llalla kundërshtoi vendimin e Apelit të Gjykatës së Posaçme Kundër Korrupsionit dhe Krimit të Organizuar (GJKKO) për rikthimin e sekuestrove të pasurive të tij. Llalla u drejtua me rekurs në Gjykatën e Lartë për të kundërshtuar vendimin e fundit të Apelit të GJKKO.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
