.png)
Nga futbolli anglez mund të presësh gjithçka, zakonisht në sensin pozitiv, duke ditur nivelin e lartë të kampionatit. Por këtë herë kamerat kanë fiksuar një moment delikat për portierin e Liverpulit, Caoimhin Kelleher, i cili është kapur teksa flinte në stol gjatë derbit me Evertonin.
Portieri 21-vjeçar i kampionëve të Anglisë shihet prapa trajnerit Jurgen Klop gjatë derbit spektakolar me Evertonin, që përfundoi në barazim, 2-2. Ishte një lojë spektakolare, e mbushur me emocione dhe tension, që mbajti të mbërthyer para ekranit miliona spektatorë, ndërsa ai ia kishte futur gjumit dhe kritikat janë pa fund drejt tij.
Caoimhin Kelleher është portieri i tretë i Liverpulit, pas Alison dhe Adrian. Tashmë fotoja e tij, me kokën varur në stol, ndërkohë që ndeshja në fushë është zjarr, po bën xhiron e botës. Interesant është fakti që Kelleher është ulur pikërisht pas trajnerit Klop, të cilin me siguri e ka mërzitur jo pak ky gjest. Në rrjetet sociale kanë vërshuar kritikat për lidhjen e djaloshit të ri me skuadrën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
