.png)
Një film revolucionar nga një nga vizionarët kryesorë të Kinemasë së Re Shqiptare. Kandidat për filmin më të mirë të huaj në “Oscar” dhe fitues i çmimit Grand Prix në Festivalin Ndërkombëtar të Filmit në Varshavë dhe filmin më të mirë në festivalet e filmit në Trieste, filmi “Delegacioni” me regji të Bujar Alimanit do të shfaqet në New York më 14 janar. Një film që është përshëndetur edhe nga kritikët.
I vendosur në Shqipërinë e viteve 1990, nën regjimin shtypës komunist, profesori dhe disidenti politik Leo (Viktor Zhusti) kaloi 15 vjet pas hekurave ... derisa një ditë, ai lirohet papritur…
I hutuar, Leo shoqërohet në Tiranë nga zyrtari i partisë Spiro (Ndriçim Xhepa) dhe militanti Asslan (Xhevdet Ferri). Një qeveri të përkohshme, e cila kuptoi shpejt se të qenit i hapur për Perëndimin ishte mënyra e re për të siguruar pushtetin, ka nevojë që Leo ta dëshmojë para një vizite shtetërore nga një institucion politik europian. Dhe kështu fillon një udhëtim me gunga nëpër logjikën absurde të ndryshimit të regjimit që Alimani e përfaqëson siç duhet përmes metaforës së një makine të thyer. Pasi motori i vjetër ARO 244 dështon, gjithçka tjetër fillon të shembet me të...
Një simbolikë e rëndësishme dhe jo e stisur, por mjaft logjike, madje edhe gjetje inteligjente. Makina në filmin “Delegacioni”, simbolizon pikërisht sistemin politik shqiptar që po kalon fazën tranzitore në rrugën drejt demokracisë.
Ai është në situatën e një ngjitjeje të vështirë, një rrugë e përpjetë, që me zor e përballon. Kur makina prishet, rreth e rrotull nuk gjendet asnjë ‘usta’ që ta ndreqë, element ky që gjithashtu hap një shteg kuptimi për vështirësitë e rrethanave vendore, jo vetëm atyre kohore: një vend i humbur, pa ‘mjetet’ e duhura për të shkuar drejt demokracisë…
Bujar Alimani që nga fillimet si regjisor me një seri të jashtëzakonshme të filmave të shkurtër avangardë, është ndjekur nga lëvdatat për imagjinatën e përzier me realizmin e ashpër.
Ai ka marrë çmime të panumërta të festivalit ndërkombëtar të filmit dhe është vlerësuar nga kritika dhe puna e tij është prezantuar në disa nga institucionet më prestigjioze ndërkombëtarisht duke përfshirë MoMa në NYC, duke e provuar atë si një hit të rëndësishëm në shtëpi arti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
