.png)
UEFA zyrtarizoi ditën e sotme oraret e ndeshjeve të Ligës së Kombeve, duke kompletuar kështu kalendarin. Shqipëria merr pjesë në Ligën C të këtij kompeticioni, ku shorti e vuri në një grup me Kazakistanin, Bjellorusin dhe Lituaninë, teksa është favoritja kryesore për t’u pozicionuar si kokë grupi.
Federata Shqiptare e Futbollit ka publikuar në faqen e saj zyrtare edhe kalendarin e ndeshjeve të Shqipërisë në Ligën e Kombeve. Kështu kuqezinjtë do të debutojnë më 4 Shtator të këtij viti në Bjellorusi, ndërsa 3 ditë më vonë do të luajnë në Shqipëri përballë Lituanisë.
Ajo që bie në sy është se Shqipëria në këtë edicion do të luajë vetëm 3 nga 6 ndeshjet e saj në darkë, ndërsa të tjerat do të jenë në orare dreke apo pasditeje.
Datat dhe oraret e ndeshjeve, janë si më poshtë:
4 shtator: Bjellorusi-Shqipëri (20:45)
7 shtator: Shqipëri-Lituani (20:45)
11 tetor: Kazakistan-Shqipëri (15:00)
14 tetor: Lituani-Shqipëri (20:45)
15 nëntor: Shqipëri-Kazakistan (18:00)
18 nëntor: Shqipëri-Bjellorusi (16:00)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
