.png)
Credit Suisse pranoi se kishte disa "dobësi materiale" në raportimin e saj financiar të martën, ndërsa hoqi bonuset për drejtuesit e lartë në vazhdën e performancës më të keqe vjetore të bankës që nga kriza financiare globale.
Huadhënësi zviceran në vështirësi tha gjithashtu se kryetari Axel Lehmann kishte propozuar të "heqë dorë vullnetarisht" një çmim aksioni me vlerë 1.5 milionë franga zvicerane (1.6 milionë dollarë) për vitin financiar 2022-2023, duke pasur parasysh "performancën e dobët financiare" të firmës.”
Credit Suisse tha në raportin e vet vjetor se kishte gjetur se "kontrolli i brendshëm i grupit mbi raportimin financiar nuk ishte efektiv" sepse nuk arriti të identifikonte në mënyrë adekuate rreziqet e mundshme për pasqyrat financiare.
Zbulimi vjen disa ditë pasi banka vonoi publikimin e reportit vjetor pas një ankese nga Komisioni i Letrave me Vlerë në SHBA, për të dhënat e parave cash në 2019-2020.
Bordi arriti në përfundimin se "dobësia materiale mund të rezultojë në keqdeklarime të bilanceve të llogarisë ose në dhënie informacionesh shpjeguese që do të rezultonin në një anomali materiale në pasqyrat financiare vjetore të Credit Suisse", thuhet në raportin vjetor. Credit Suisse po zhvillon urgjentisht një "plan riparimi" për të forcuar kontrollet.
Aksionet e bankës ranë më shumë se 3%, por u rikuperuan ndërsa tregjet europiane u treguan të qëndrueshme me 0.7% deri në 9 të mëngjesit. Ajo kishte rënë në një nivel të ri rekord të hënën, pasi kolapsi i Silicon Valley Bank dhe Signature Bank në Shtetet e Bashkuara trembi investitorët dhe goditi aksionet bankare në mbarë botën.
Klientët tërhoqën miliarda nga Credit Suisse vitin e kaluar, duke kontribuar në humbjen më të madhe vjetore të bankës që nga kriza financiare në 2008. Stoku ka rënë me 67% gjatë 12 muajve të fundit.
Shëndeti i financave të bankës është edhe një herë nën mikroskop pas rënies së SVB-së dhe efekteve të përhapura në tregjet financiare globale.
Pavarësisht nga pasojat nga kolapsi i SVB, Credit Suisse pa "flukse hyrëse të mira" të hënën, sipas CEO Ulrich Körner.
"Deri tani është qetësi," - tha ai në një intervistë në Bloomberg të martën. Daljet nga banka ishin "moderuar ndjeshëm" pasi klientët tërhoqën 111 miliardë franga (122 miliardë dollarë) në tre muajt deri në dhjetor, shtoi Körner. Raporti vjetor paraqiti një pamje të ngjashme, duke thënë se flukset dalëse nuk ishin kthyer ende në fund të vitit të kaluar.
Körner tha se kolapsi i SVB ishte "disi një problem i izoluar". Credit Suisse ndjek “standarde materialisht të ndryshme dhe më të larta kur bëhet fjalë për financimin e kapitalit, likuiditetin e kështu me radhë”, shtoi ai.
Anëtarët e bordit ekzekutiv morën në shtëpi 32.2 milionë franga (35.3 milionë dollarë) në kompensim fiks, por nuk morën asnjë shpërblim.
Dikur një lojtar i madh në Wall Street, Credit Suisse është goditur nga një sërë gabimesh dhe dështimesh të pajtueshmërisë gjatë viteve të fundit që kanë dëmtuar reputacionin dhe fitimin e saj, si dhe i kanë kushtuar disa drejtuesve të lartë punën e tyre.
Në tetor, huadhënësi filloi një plan ristrukturimi "radikal" që përfshin shkurtimin e 9,000 vendeve të punës me kohë të plotë, shkëputjen e bankës së tij të investimeve dhe fokusimin në menaxhimin e pasurisë.
Körner tha të martën se banka kishte "planin e duhur" në vend dhe se po e zbatonte atë "me ritëm".
“Askush nuk është i kënaqur me zhvillimet e çmimeve të aksionit… Unë nuk mund ta menaxhoj çmimin e aksionit, mund ta menaxhoj ekzekutimin dhe e bëj”, shtoi ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
