Qytetarët evropianë do të jenë në gjendje të kthehen për të udhëtuar këtë verë, duke siguruar prova se ata i janë nënshtruar vaksinës, ose janë testuar negativisht ose që janë shëruar nga koronavirusi dhe kanë zhvilluar antitrupa.
Këto janë përmbajtjet kryesore të lejes së re Covid të paraqitur nga Komisioni i Bashkimit Europian për të rifilluar udhëtimet në Evropë.
Certifikata duhet të jetë në dispozicion nga qershori në format dixhital ose në letër.
"Pasaporta e vaksinës" do të jetë ligjërisht e detyrueshme për shtetet snëtare dhe do të pranojë të gjitha vaksinat e disponueshme në treg.
Siç është thënë nga Komisioneri i BE-së për Drejtësi, Didier Reynders, leja e re e BE për Covid, "nuk është një pasaportë vaksine, por një certifikatë e gjelbër për të shmangur ndarjet dhe bllokimet", midis vendeve të BE, "që lehtësojnë lëvizjet e qytetarëve evropianë" dhe rifillojnë turizmin në funksion të verës.
"Kalimi është i ndërveprueshëm dhe i detyrueshëm për vendet e BE", nënvizoi Reynders, duke specifikuar se, "për të shmangur çdo formë diskriminimi", ofron "tre alternativa" për t'u kthyer në udhëtim: "demonstroni vaksinimin, negativitetin ndaj një prove ose shërimin e Covid".
Nga ana tjetër, presidentja e Komisionit Europian, tha: "Me certifikatën e vaksinimit, ne synojmë të ndihmojmë shtetet anëtare të kthehen në lëvizshmërinë e sigurt dhe të koordinuar".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.