.png)
Gazeta Si – Berat Gjimshiti është gjithmonë e më lider tek Atalanta. Ai nuk po pushon asnjë ndeshje, duke qenë gjithmonë në fushë në kampionat dhe Europë, tashmë edhe me shiritin e kapitenit në krah.
Edhe ndaj Juventusit Gjimshiti ishte në lartësinë e një kapiteni, më i miri në mbrojtje për Atalantën në ndeshjen që përfundoi në barazim, 2-2. Ai ndihmoi edhe sulmin, duke dhënë pasimin për golin e dytë të skuadrës së tij.
Dhe pikërisht për këtë veprim, Atalanta i ka bërë një postim në profilin e saj në Instagram, ku shkruan: “Çokollata e kapiten Beratit”. Një referim për asistin e dhënë për Kupmeiners, që riktheu baraspeshën dhe i dha një pikë të çmuar Atalantës.
Drejtuesit dhe tifozët e klubit bergamask kanë një vlerësim të veçantë për Berat Gjimshitin, i cili gjithmonë ka qenë i përulur dhe ka dhënë maksimumin për skuadrën sa herë ia ka kërkuar trajneri Gasperini.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
