.png)
Gazeta Si – Presidentja e Parlamentit Europian, Roberta Metsola, ka bërë të ditur vendimin për nderimin më të lartë për të drejtat civile.
Çmimi ‘Sacharov 2023’ për lirinë e mendimit i është dhënë Mahsa Amini dhe lëvizjes së protestave iraniane ‘Grua, Jetë dhe Liri’. Mahsa Amini, 22-vjeçarja iraniane, u arrestua nga policia në Teheran më 13 shtator 2022, sepse nuk kishte veshur mirë vellon.
E reja vdiq në spital 3 ditë më pas si pasojë e abuzimeve fizike. Vdekja e saj shkaktoi më pas shpërthimin e protestave masive të udhëhequra nga gratë në Iran.
Women. Life. Freedom.
— Roberta Metsola (@EP_President) October 19, 2023
Proud to announce that the winners of the 2023 Sakharov Prize are #MahsaAmini & #WomenLifeFreedom Movement in Iran.
These brave women, men & young people have inspired the world through their fight for equality, liberty & dignity.
زن زندگی آزادی pic.twitter.com/CljmroF6Mo
Çmimi ‘Sacharov’ për lirinë e mendimit akordohet që prej vitit 1988 për të nderuar personat dhe organizatat që mbrojnë të drejtat njerëzore dhe lirinë themelore. Marrja e këtij çmimi do të thotë edhe një shpërblim prej 50 mijë eurosh. Ceremonia e dhënies së çmimit do të zhvillohet më 13 dhjetor 2023 nga Parlamenti Europian në Strasburg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
