.png)
INSTAT ka raportuar sot (të enjten) se niveli i përgjithshëm i çmimeve për korrikun në terma vjetorë është 2,1 % duke vijuar rritjen. Kjo rritje është ndikuar nga ushqimet.
Rritja më e madhe e çmimeve prej 4,3 % vërehet në grupin “Ushqime dhe pije joalkoolike”, pasuar nga grupet “Transporti” me 3,6 %, “Pije alkoolike dhe duhan” me 1,7 %, “Argëtim dhe kulturë” me 1,5 %, “Mallra dhe shërbime të ndryshme” me 0,9 %, “Mobilim, pajisje shtëpie dhe mirëmbajtje” me 0,7 %, “Hotele, kafene dhe restorante” me 0,5 %, “Komunikimi” me 0,4 % dhe “Shëndeti” me 0,2 %. Nga ana tjetër çmimet e grupit “Veshje dhe këpucë” u ulën me 0,2 %.
Por në Korrik 2020, ndryshimi mujor (pra krahasuar me muajin parardhës) i matur nga Indeksi i Harmonizuar i Çmimeve të Konsumit është -0,5 %. Ky ndryshim është ndikuar kryesisht nga ulja e çmimeve të grupit “Ushqime dhe pije joalkoolike” me 2,0 %, pasuar nga grupet “Argëtim dhe kulturë” me 1,0 % dhe “Veshje dhe këpucë” me 0,1 %. Nga ana tjetër çmimet e grupit “Transporti” u rritën me 2,6 %, pasuar nga grupet “Pije alkoolike dhe duhan” dhe “Mallra dhe shërbime të ndryshme” me 0,3 % secili dhe “Mobilim, pajisje shtëpie dhe mirëmbajtje” me 0,1 %.
Të dhënat e BSH-së tregojnë se inflacioni mesatar i tremujorit të dytë ishte në nivelin 1.9%, duke u rritur me 0.3 pikë përqindje kundrejt tremujorit paraardhës. Kjo rritjeerdhib si pasojë e goditjeve të përkohshme mbi kostot e prodhimit dhe tregtimit, si pasojë e situatës së krijuar nga pandemia, ndërkohë që ngadalësimi i kërkesës veproi në kahun rënës. Presionet e huaja inflacioniste patën një ndikim të kontrolluar në ecurinë e çmimeve të konsumit në vend.
BSH parashikon se inflacioni do të kthehet në objektiv kur të dilet nga kriza dhe Ekonomia të rimëkëmbet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
