Gazeta Si – Armando Broja kishte shansin e artë për t’u zhbllokuar sot dhe e shfrytëzoi në mënyrën më të mirë. Sulmuesi kuqezi realizoi golin e parë për Çelsin në fitoren 4-0 ndaj Prestonit në FA Cup.
Broja devijoi bukur me kokë një top të krosuar nga e majta në minutën e 58-të, duke zhbllokuar rezultatin. Ai e nisi ndeshjen titullar, por gjatë pjesës së parë Çelsi nuk mundi të gjente hapësira në mbrojtjen e ngjeshur të kundërshtarit.
Armando Broja breaks deadlocker!
— FootColic ⚽️ (@FootColic) January 6, 2024
Chelsea leads 1-0pic.twitter.com/o1v9KKcCAD
Pas golit Broja goditi shtyllën, ndërsa disa minuta më vonë pati një tjetër rast për të bërë dopietë. Ai kaloi edhe portierin e Prestonit, por një mbrojtës i mohoi golin e dytë. Futbollisti i Kombëtares shqiptare u zëvendësua nga trajneri Poçetino çerek ore para fundit.
Ishte një mbrëmje pozitive për sulmuesin kuqezi. Mbi të gjitha ky gol pritet ta ndihmojë atë në aspektin psikologjik, për të psur vazhdimësi në ndeshjet e tjera.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.