Gazeta Si – Pas Myrto Uzunit në Spanjë një ditë më parë, sot ishte radha e Sokol Cikalleshit të ishte protagonist në Turqi me klubin e tij. Sulmuesi i Kombëtares i dha fitoren Koniasporit në ndeshjen me Kasimpasha, edhe pse u fut si zëvendësues.
Kavajasi zhbllokoi rezultatin vetëm 4 minuta pasi hyri në fushë, duke çuar në rrjetë një top të krosuar nga e majta. Më pas Cikalleshi dha pasimin për golin e dytë të Koniasporit, që ka gjetur kështu fitoren 2-0 pas një serie rezultatesh negative, që e pozicionojnë në vend të 15-të.
GoaL! | Konyaspor 1-0 Kasımpaşa | Sokol Cikalleshipic.twitter.com/Ywl1ddZTh7
— FootColic ⚽️ (@FootColic) November 25, 2023
Pozitive ishte kjo e shtunë edhe për mbrojtësin Ivan Balliu, që me Rajo Valekanon e tij arriti të ndalë një emër të madh të futbollit spanjoll, si Barcelona. Ndeshja përfundoi në barazim, 1-1, me katalanasit që barazuan në minutat e fundit falë një autogoli.
Balliu ishte titullar në ndeshjen ndaj ekipit ku është rritur, që e luajti të plotë dhe ishte ndër më të mirët për skuadrën e tij. Mbrojtësi i djathtë vetëm pak ditë më parë luajti titullar edhe me kuqezinjtë në ndeshjen ndaj Ishujve Faroe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.