Gazeta Si – Vllaznia e futbollit të femrave ka kaluar pengesën e parë të raundit të parë në Ligën e Kampionëve. Vajzat kuqeblu kanë mundur Hajvalinë 4-2 në gjysmëfinalen e luajtur në stadiumin “Loro Boriçi”.
Në finale vajzat e drejtuara nga trajneri Haris Lika do të ndeshen me kampionet e Islandës, Valur, që mundi 2-1 kampionet e Turqisë, Fomget GSK. Akti final do të luhet më 9 shtator po në Shkodër, ku Vllaznia ka shanse të mëdha për fitore. Nëse fiton dhe finalen, Vllaznia shkon pastaj në Play-off, pengesa e fundit për tës shkuar sërish në grupe.
Lojtarja e ndeshjes së sotme mes Vllaznisë dhe Hajvalisë ishte një kosovare, Gresa Berisha. Ishte ajo që hapi dhe mbylli sërinë e golave për skuadrën shkodrane. Golat e tjerë për kampionet e Shqipërisë mbajnë firmën e Luçije Gjinit dhe Maria Bashkës. Për skudrën kosovare shënuan Misini dhe Mahmuti.
Një sukses i pritshëm ky për Vllazninë, skuadrën që po dominon futbollin e femrave në vend dhe që sezonin e kaluar shkoi në fazën e grupeve të Ligës së Kampionëve. Një arritje historike, ku vajzat kuqeblu patën shansin të përballeshin me klube me emër, si Real Madrid, Çelsi dhe PSG.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.