Gazeta Si – Skena për futbollin e madh. Liga e Kampionëve starton sot fazën e grupeve, me përballje mjaft interesante. Sipas parashikimit të Opta-s, skuadra e Guardiolës ka mundësitë më të mëdha për të ngritur në qiellin e ‘Wembley’-t trofeun për herë të dytë radhazi. Më pas vijnë Bajern Mynih dhe Arsenal.
![](https://gazetasi.al/wp-content/uploads/2023/09/siti-806x550.jpg)
Kampionët në fuqi të Mançester Sitit janë kandidatët kryesorë për të fituar sërish kupën me veshë të mëdhenj. ‘Qytetarët’, sipas Opta-s, janë favoritë me 38.9% mundësi, kurse Bajern Mynih me 10.9% dhe Arsenali me 8.7% janë rivalët më të akredituar për t’u rrëmbyer titullin djemve të Guardiolës.
Pastaj vjen Real Madrid me 6% mundësi dhe dy skuadra italiane: Interi finalist i edicionit të fundit me 5.7% mundësi dhe Napoli me 4.3%.
Milani renditet ‘vetëm’ në vend të 15-të të këtij klasifikimi special me 1.3% mundësi fitimi të Championsit të 8-të në historinë e tij. Të pakta janë mundësitë edhe të tri skuadrave që janë në të njëjtin grup me Milanin, Njukastëlli 1,6%, PSG 1.4% dhe Borusia Dortmund me 1.3%.
![](https://gazetasi.al/wp-content/uploads/2023/09/opta-504x550.jpg)
Ndryshon situata për kalimin e mundshëm në çerekfinale: Interi dhe Napoli kanë respektivisht 46.5% dhe 42.4% mundësi, kurse Milani 23.5%. Skuadra e Piolit pret sot Njukastëllin e Tonali, në një ndeshje ku duhet të reagojë pas humbjes turpëruese në derbi.
Mançester Siti luan me Crvena Zvezdën në një ndeshje që parashikohet të jetë e lehtë. Barcelona pret Antverp të Arbnor Mujës dhe Lacio e Hysajt përballet me Atletiko Madrid.
Liga e Kampionëve, faza në grupe
Sot, ora 18:45
Milan-Njukastëll
Jang Bojs-Lejpcig
Ora 21:00
Barcelona-Antverp
Fejnord-Selltil
Lacio-Atl.Madrid
Mançester Siti-Crvena Zvezda
PSG-B.Dortmund
Shakhtar-Porto
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.