.png)
Pavarësisht kërkesës së ish-kryeprokurorit Adriatik Llalla që çështja ndaj tij të gjykohej nga Gjykata e Tiranës, Gjykata e Lartë ka vendosur këtë të premte që çështja e ish-kryeprokurorit t’i kalojë Gjykatës së Posaçme Kundër Korrupsionit dhe Krimit të Organizuar.
Adriatik Llalla është marrë i pandehur për mosdeklarim dhe fshehje pasurie.
Llalla kërkoi përmes avokatit që çështja penale ndaj tij t’i kalonte Gjykatës së Tiranës, duke argumentuar se nuk ishte më kompetencë e Gjykatës së Posaçme.
Por kërkesa e tij është rrëzuar nga Gjykata Supreme. Sipas vendimit, dosja e Llallës është kompetencë e GJKKO të ngritur me ligj të posaçëm për të gjykuar veprat penale që kryhen nga zyrtarët e lartë.
Adriatik Llalla u hetua për disa vepra penale, përfshirë edhe pastrimin e parave, por në fund ai u dërgua për gjykim vetëm për fshehje të pasurisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
