.png)
Albert Veliu, i cili është njeriu kyç në procesin e njohur si “Babalja”, është në prag të ekstradimit nga Belgjika në Shqipëri.
Ministria e Drejtësisë i ka kthyer përgjigje Gjykatës së Tiranës, duke dhënë detaje në lidhje me kërkesën për informacion për Albert Veliun dhe ekstradimin e tij nga Belgjika.
Nga Ministria e Drejtësisë ka ardhur letra në të cilën thuhet se Albert Veliu është arrestuar në Belgjikë me qëllim ekstradimin në Shqipëri.
Ministria e Drejtësisë ka komunikuar me autoritet belge për ekstradimin e Veliut, por ende nuk ka një datë.
Nga ana tjetër, Prokuroria kërkoi shtyrje të seancës gjyqësore deri në mbërritje të Albert Veliut, ndërsa kërkesa e saj është miratuar nga Gjykata.
Ndërkohë seanca është shtyrë me kërkesë të prokurorisë për datën 30 tetor ora 14:00 për shkak të mungesës së Veliut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
