.png)
Nga Gazeta ‘Si’- Ministri i Bujqësisë Andis Salla, në fjalën e mbajtur në Parlament prezantoi nismën për mbajtjen e censit për bujqësinë, duke e cilësuar atë si një instrument kyç për hartimin e politikave publike në sektor.
Ai theksoi se bujqësia shqiptare sipas tij ka pësuar ndryshime të rëndësishme vitet e fundit, me rritje të investimeve, zhvillim të agropërpunimit dhe zgjerim të eksporteve.
Sipas Sallës, të dhënat aktuale nuk janë më të mjaftueshme për të mbështetur vendimmarrjen dhe për këtë arsye nevojitet një census i ri sipas standardeve të Bashkimit Europian.
Ministri bëri të ditur se procesi do të mbulojë pothuajse të gjithë sipërfaqen bujqësore dhe njësitë ekonomike që ushtrojnë aktivitet në bujqësi dhe blegtori.
Ministri nënvizoi se rezultatet e censit do të shërbejnë për planifikimin e investimeve publike, orientimin e skemave të mbështetjes dhe përgatitjen e vendit për Politikën e Përbashkët Bujqësore të BE-së.
Salla sqaroi se Regjistri Statistikor i Njësive Ekonomike Bujqësore do të ketë vetëm funksion statistikor dhe nuk do të krijojë detyrime fiskale apo kontrolli për fermerët.
Ai shtoi se procesi do të organizohet nga INSTAT, ndërsa Ministria e Bujqësisë do të përdorë të dhënat për hartimin e politikave sektoriale.
Në përfundim, ministri u bëri thirrje deputetëve të mbështesin projektligjin, duke e cilësuar atë një hap të rëndësishëm për zhvillimin e bujqësisë, ekonomisë dhe integrimin evropian të Shqipërisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje