Gazeta Si – Çelsi ka dhënë së fundi miratimin për huazimin e Armando Brojës. Për sulmuesin e Kombëtares shqiptare klubi londinez kërkonte 58 milionë euro në rast shitjeje. Tani ka hapur rrugën edhe për një huazim të mundshëm.
Fulhemi dhe Volverhemptoni janë dy skuadrat më të interesuara për sulmuesin kuqezi. Problem është se Çelsi kërkon 6 milionë euro për huazimin e lojtarit deri në fund të sezonit dhe për momentin refuzon të përfshijë në marrëveshje opsionin e blerjes në fund të huazimit.
Broja është kthyer këtë vit pas një dëmtimi që e mbajti jashtë fushave për një kohë të gjatë. Sulmuesi 22-vjeçar ka shënuar 1 gol në 13 ndeshje në Premier Ligë. Huazimi mund ta ndihmonte futbollistin që të luante më shumë dhe të ishte plotësisht gati për Europianin e Gjermanisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.