Ministrja e Financave Anila Denaj ka bërë me dije se Buxheti i Shtetit për vitin e ardhshëm ka përfunduar dhe prioritet sikurse edhe këtë vit do të jenë shëndetësia dhe arsimi. Kurse zgjerimi i ekonomisë do të rishikohet me ulje.
Sipas Denaj, nisur dhe nga sugjerimet e institucioneve ndërkombëtare, vëmendje do të marrë shlyerja e detyrimeve të prapambetura, ku fondi në dispozicion do të rritet.
Ministria e Financave gjithashtu ka bërë edhe disa ndryshime në ligjin për procedurat tatimore, të cilat parashikojnë rritje progresive gjobash për bizneset në shkelje.
Gjithashtu Ministria e Financave dhe Ekonomisë ka bërë publike strategjinë e rishikuar të financave publike 2019-2022, e cila sipas qeverisë, synon përmirësimin e shërbimeve të ofruara dhe zhvillimin ekonomik.
Përfaqësuesit e organizmave ekonomiko-financiarë ndërkombëtarë kanë ritheksuar për të disatën herë rëndësinë që duhet t'u kushtetohet detyrimeve të prapambetura dhe manaxhimit te riskut që vjen nga PPP-të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.