.png)
Gazeta Si – Armando Broja dhe Tomas Strakosha luajtën titullarë sot me klubet e tyre në Premier Ligë. Një shenjë e mirë para grumbullimit me kuqezinjtë për ndeshjen e 12 tetorit ndaj Çekisë.
Broja qëndroi në fushë vetëm pjesën e parë për Çelsin, në fitoren 1-4 ndaj Bërnleit. Ai nuk ishte në ditën e tij më të mirë. Kuptohet, fakti që vjen nga një dëmtim i gjatë ndikon në performançën e sulmuesit shqiptar të Çelsit.
Strakosha e pa veten titullar në sfidën e Brenfordit në fushën e Mançester Junajtid. Portieri kuqezi po bëhej gati festën e madhe, sepse deri në minutën e 93-të skuadra e tij po fitonte 0-1. Por në 4 minuta u përmbys gjithçka nga dy gola të Mektomineit, që ngriu buzëqeshjen e Strakoshës me shokë.
Broja dhe Strakosha do të bashkohen me Kombëtëren në grumbullimin që nis ditën e hënë. Ata janë elementë të rëndësishëm për trajnerin Silvinjo, të cilin aktualisht e shqetëson mbrojtja, për shkak të problemeve fizike të Gjimshitit, Ismajlit dhe së fundi edhe të Gjasulës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
