.png)
Fundi i bllokimit kombëtar nxiti një verë dashurie që ringjalli shitjet e prezervativëve në liderin e tregut Durex.
Shitjet në markën e prezervativëve u rritën më shumë se 10% gjatë muajve të verës kur ndalimi i karantinës prej koronavirusit u mundësoi njerëzve që të rindiznin jetën e tyre seksuale.
E kundërta ndodhi në pranverë kur pronari i Durex, që zotëron edhe kompaninë Reckitt Benckiser, raportoi një rënie të shitjeve ndërsa karantina nisi të zinte vënë. Përdorimi i prezervativëve ka rënë sepse kjo formë e kontracepsionit është më pak e përdorshme për ata që janë në marrëdhënie afatgjata.
Laxman Narasimhan, shefi ekzekutiv i Reckitt Benckiser, tha se pas një “gjysme të parë më sfiduese të vitit, relaksimi i rregulloreve të distancës sociale rezultoi në përmirësimin e kërkesës për produktet tona të mirëqenies seksuale, përfshirë Durex, i cili pa rritje dyshifrore në Të ardhurat".
"Kjo është theksuar veçanërisht në tregjet ku shkalla e infeksionit pandemik është përmirësuar," shtoi ai.
Shitjet e prezervativëve ndihmuan sektorin shëndetësor të Reckitt, i cili gjithashtu përfshin markat dezinfektuese Dettol dhe Lysol, duke raportuar rritje të shitjeve me 12.6% për tre muaj deri në fund të shtatorit.
Romanca nuk ishte e vetmja gjë në mendjen e konsumatorëve, por gjithashtu edhe higjena në termat e COVID-19. Reckitt raportoi kërkesë për produkte paramjekësore si për vitaminat, dezinfektant dhe madje aromatizues të ajrit Air Ëick. Kërkesa për Dettol ishte një rritje marramendëse 50% në tremujor, vuri në dukje kompania.
"Dinamika e qëndrimit në shtëpi dhe distancimi social kanë pasur efekte të konsiderueshme në disa prej markave tona," tha kompania.
Megjithatë disa nga ndryshimet e sjelljes të shkaktuara nga pandemia kanë qenë një bekim i përzier për kompaninë, e cila vuri në dukje rënien e nivelit të lindjeve në disa nga tregjet e saj kryesore, një trend që pritej të godiste kërkesën për formulën e foshnjave.
Sidoqoftë, shitjet e përgjithshme të Reckitt u rritën me pak më shumë se 13% në 10.4 miliardë paund në periudhën e analizuar, e cila ishte më shumë se ç’pritej duke I shpënë aksionet e saj me 1% në 73.06.
Richard Hunter, kreu i tregjeve në Interactive Investor, tha se Reckitt përfitoi nga kërkesa e konsumatorëve për produkte të higjenës por pandemia "kishte zhvendosur rritjen në një tjetër nivel".
"Qëndrimet e përgjithshme ndaj higjienës tani kanë ndryshuar globalisht dhe gjasat janë që kjo vetëdije e re të vijojë rrugëtimin bashkë me ne," tha ai.
"Reckitt është vënë re se ka qenë një përjashtim nga rregulli i ndërmarrjeve FTSE 100, me çmimin e aksioneve që ka dalë dukshëm më i mirë, duke u rritur me 20% gjatë vitit të kaluar, krahasuar me një rënie prej 18% për indeksin më të gjerë."/Burimi: TheGuardian/ Solli në shqip: Gazeta “Si”/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
