.png)
Persona të pa identifikuar qëlluan me armë zjarri në drejtim të një automjeti i cili ishte në lëvizje, në orët e para të mëngjesit ditën e sotshme në rrugën Shkodër – Velipojë, afër fshatit Daragjat.
Në dëshminë e parë të dhënë për forcat e policisë, Alban Lukaj ka deklaruar se nuk ka asnjë ide se cilët janë autorët dhe përse e kanë kërcënuar. 50-vjeçari, autorët e kanë ulur në gjunjë drejtuesin e makinës duke e kërcënuar dhe pastaj kanë qëlluar me automatik.
“Më kanë nxjerrë nga makina dhe më kanë vënë automatikun tek koka dhe më pas kanë qëlluar mjetin. Në momentin kur kanë qelluar nuk kam qenë në makinë”- ka thëne ai.
Fatmirësisht nga të shtënat me armë zjarri nuk pati të lënduar, ndërsa policia njoftoi se po punon për të identifikuar dhe arrestuar autorët e ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
